کوشیان و زەخمداری 3 کەس وە گورز ئیسرائیل لە باشوور لوبنان

شەفەق نيوز/ وەزارەت تەندروسی لوبنان، ئمڕوو سێشەممە، کە وسیان دوو کەس لە ئەنجام گورزیگ ئیسرائیلی وەبان باشوور لوبنان راگەیان، لە وەختیگ ئیسرائیل وەردەوامە لە گورزەیلی وەبان لوبنان و ئویشێد ئەندامەیل حزبولڵ٦و دامەزراوەیلی کەێدە ئامانج، هەرچەن ئاگربەسی ناوەین دوو لایەن هەس.

 تەندروسی لوبنان لە بەیاننامەیگ وت: ئەو گورزە کە وە درۆن ئیسرائیل جیوەجیی کریا وەبان ناوچەی شبعا، بویە مدوو کوشیان دوو کەس و زەخمداری کەسیگ ترەک.

وەگورەی ئاژانس نیشتمانی ئەرا راگەیانن فەرمی، ئەو دوو کوشیاگە باوگ و کوڕیگ بوینەر و ئەو کوڕەگەی زەخمدار بویە.

یەیش دویای چەن رووژیگ لە زنجیرەی گورزەیل ئیسرائیل تیەێد کە زاحیەی باشوور بەیروت کردنە ئامانج، کە وەرپرسەیل لوبنانی وە پێشیلکارییگ رویوەڕوی ئەرا رێککەفتن ئاگربەسی ناوەین ئیسرائیل و لوبنان زانستنەی.