کوشیان و زەخمداری لەناو سوپای نەیجیریا وە پەلاماریگ تیرۆری

شەفەق نیوز/ 27 سەرباز نەیجیری لەلای کەمەو کوشیا، لە پەلاماریگ خوەیکوشی باکوور خوەرهەڵات وڵاتەگە، وە قسەی دوو سەرچەوەی سەربازی ئەرا فرانس پرێس، ئمڕوو یەکشەممە.

رووژ جمعە، سوپای نەیجیریا پەلامار شوینیگ ریخریاگ داعش دا لە ویلایەت خوەرئازای ئەفریقا لە سێسویکەی تمبكتو ناوەین ویلایەت  بورنو و يوبي لە باکوور خوەرهەڵات نەیجیریا.

تیرۆریستیگ خوەیکوش وە ماشین پڕ تەقەمەنی لەناو دارەیلەو پەلامار ناکاوی کاروانیگ سوپا دا.

سەرچەوەیل وتنیش: پەلامارەگە بویە هوکار کوشیان ٢٧ سەرباز، کە فەرماندەیگ لەناوی بوی، و بڕیگیش زەخمدار بوین.

دیاری کردن کە پەلامارەگە لە شوینیگ تێریک بوی کە نووڕین هیزەیل کەم بویە.

ئەندامەیل بۆکو حەرام و لق ریخریاگ داعش خوەرئاوای ئەفریقا وەشیوەیگ سەرەکی لە بۆرنو گورجن، و هیزەیل ئەمنی و و مەدەنیەیل کەنە ئامانج.