کوشیان و زەخمداری ٦٦ کەس وە ئاگر ناو بنکەیگ چەودیاریکردن پیرەیل لە ئوردن

شەفەق نیوز/ میدیایل ئوردن خەوەردان کە ٦ کەس گیانیان لەدەسدان، و ٦٠ کەسیش زەخمدار بوین لە ئەنجام ئاگریگ لەناو بنکەیگ چەودیاریکردن پیرەیل لە ئوردن هیز گرد.

میدیایل وتنیش: ئاگر لە قات یەکەم لەناو بنکەی چەودیاریکردن پیرەیل (کۆمەڵەی شەوخەفە چەرمگەیل) هیز گرد کە ١١١ کەس هاناوی، و بویە هوکار کوشیان ٦ کەس و زەخمداری ٦٠ کەس، ٥ لەناویان زەخمییان سەختە.

 وەگورەی ئاژانس خەوەری ئوردن (بەترا) ئەو بینا کە رووبەری ٨٠ مار چوارسویکەس وەتەواوی سزیا.

لەلای خوەییش، وەفا بەنی موستەفا خانمە وەزیر کاروبار کۆمەڵایەتی دووپات کرد کە ئەو پیرەیلە ئەرا شوینەیلیگ ترەک بریانە، و زەخمدارەیل رەسینە خەسەخانە.