کوشیان و زەخمداری زیاتر لە ٧٠ مەدەنی لە پەلامارەیل ئیسرائیل وەبان شارەیل ئیران
2026-03-08T10:56:17+00:00
شەفەق نیوز/ تەهران
زیاتر لە 70 کەس مەدەنی کوشیان و زەخمداربوین، شەوەکی ئمڕوو یەکشەممە، لە ئەنجام پەلامارەیل ئاسمانی ئیسرائیل کە ناوەندەیل گرنگ و ناوچەیل نیشتەجیبوین لە چەن شاریگ لە پارێزگای ئەسفەهان لە ناوڕاس ئیران کردە ئامانج.
ئاژانس "فارس" ئیرانی راگەیان لە ئامار سەرەتایەیل هاتیە، وەلایکەم 20 کەس کوشیان و زیاتر لە 50 کەس زەخمداربوین، لە ئەنجام ئەو پەلامارە کە شارەیل ئەسفەهان و "شەهرەزا" و "نەجەف ئاباد" گردەو.
ئێ تونوتیژیەیلە راستەوخوەی لە قویڵایی ئیرانی، گرژی سەربازیەیل ناوچەگە ئەرا ئاستیگ بی پیشینە بەێد.
