کوشیان نزیکەی 140 کەس لە ئەنجام گورز وەردەوام ئیسرائیل لە غەزە
شفەق نيوز/ ناوچەیل باکوور خوەرئاوای شار غەززە، شەفەق ئمڕوو جمعە، پەلامار وە تووپخانە و گولە لە بەلەم جەنگی و گورز فڕۆکەیل جەنگی وەخوەی دی وەگەرد باڵگردن وەردەوامیگ لە فڕۆکە و کۆپتەر، و سەرچەوەیل پزشکی لە غەززە خەوەردان لە کوشیان زیاتر لە 136 کەس لە ماوەی 24 ساعەت گوزەشتە.
راپۆرت و میدیایل فەلەستینی خەوەردان لە کوشیان زیاتر لە 136 فەلەستینی، دویەشەو پەنجشەممە، کە ژن و مناڵ ها ناویان، لە ئەنجام گورزەیل ئیسرائیل لەبان ماڵەیلیگ لە بەیت لاهیا و چادر ئاوارەیل لە کەرت غەززە.
ئاژانس خەوەری فەلەستین "وەفا" وت: بڕیگ لە هاوەاتیەیل کوشیان و زەخمدار بوین، لە ئەنجام پەلاماردان چادر ئاوارەیل لە کەمپ تەبریا.
سێ کەسیش کوشیان و دەیان کەس زەخمدار بوین لە ئەنجام گورزیگ ئاسمانی ئیسرائیلی لەبان ماڵیگ لە ناوچەی قەرارە باکوور خان یونس.
دوو کەس کوشیان و کەسەیلیگ زەخمدار بوین کە مناڵ لەناویان بوی، لە ئەنجام پەلامار ئیسرائیل لەبان ماڵیگ لە ناوچەی عامودی باکوور غەززە.
وتیش: سەدان لە زەخمدارەیل رەسنە خەسەخانە لە ئەنجام گورزەیل وەردەوام ئیسرائیل، کە یەجەر شمارەیان لە خەسەخانە نیەکریەێد، و شمارەی قوربانیەیل وەرەو بەرزەی چوود لەوەر ئەو شمارەی گەورە لە زەخمدارەیل، و توانای پزشکی کەم.
