کوشیان نزیکەی 100 کەس لە ئەنجام وارانە رفتەیل لە هندستان و نیپاڵ
شەفەق نيوز/ ئەو وارانەیل رفتە وەگەرد زریان و بەڵاچە کە لە رووژ چوارشەممەو داد لە هندستان و نیپاڵ، بویە هوکار کوشیان نزیکەی 100 کەس.
دەسەی کەشناسی هندی مەزەنەی وارانەیل ناوەرزی زیاتر کرد لەناوچەگە لە ماوەی رووژەیل بانان.
کەشناسی هندستان، رووژ چوارشەممە، ئاست ئاگاداری لە رخەیل بەرزەو کرد لە وڵاتەگە، کە بەشەیل خوەرئاوای وڵاتەگە کەشوهەوای گەرمیگ وەخوەیان دوینن، لە وەختیگ زریان و بەڵاچە ناوچەیل خوەرهەڵات و ناوڕاس گرێدەو.
وەرپرسیگ لە نواگیریکردن کارەسات لە ویلایەت بیهار خوەرهەڵات هندستان وت: 64 کەس لەلای کەمەو لە رووژ چوارشەممەو تا ئیسە لە ئەنجام رویداوەیلیگ مردنە کە پەیوەندی وە واران دیرن، لە وەختیگ میدیایەیل راگەیانن باس مردن زیاتر لە 20 کەس لە ویلایەت ئەوتار براديش کردن.
کەشناسی هندستان مەزەنەی وەردەوامی وارین وارانەیل رفتیگ وەگەرد زریان ت بەڵاچە و وای تون لە ناوچەیل ناوڕاس و خوەرهەڵات هندستان تا رووژ شەممەی ئایندە کردن.
لە نیپاڵ، وەرپرسەیل وتن: تریشقە و واران رفتیگ بویە هوکار کوشیان هەشت کەس لەلای کەمەو.
