واران رفتیگ لە ئەرجەنتین گیان 10 کەس سینێد و هەزاران کەس سەرگەردان کەێد

شەفەق نیوز/ 10 کەس گیانیان لەدەسدان لە ئەنجام وایان رفتیگ لە شەفەق دویەکە جمعەو وارێدە بان شار باهیا بلانکای کناراوی وەدویری 600 كلم وەرەو باشوور بوينس ئايرس پایتەخت ئەرجەنتین.

دەسەڵاتەیل وتن: 

زیاتر 300 ملليمتر واران وە ماوەی نزیکەی 6 ساعەت واریە، کە جادەیل فرەیگ نقوم بتینە و ۆرانێ لە هەزار کەس ناچار بوینە ماڵیان چووڵ بکەن لەی شارە کە شمارەیان رەسێدە نزیکەی 350 هەزار کەس.

لە بەیاننامەیگ دیار کرد کە 5 لە شەش قوربانیەیل لەناو ئاو لەبان ری گشتی گیر هاتوین، دیاری کرد کە دزیر نییە قوربانی زیاتر بوود لەوەر قەوارەی کارەساتەگە.

وەگەرد نیمەڕو جمعە، خەوەردا کە بەش گەورەیگ دویای 7 ساعەت لە واێلن رفت بیهوچان کەفتە ژیر ئاو، کە تا نیمەڕو وارانەگە کەمەو بوی.

 هەرلیوا، مانۆیل ئدورنی قسەکەر سەرۆکایەتی وت: خافیێر میلی سەرۆک ئەرجەنتین کارەیلی کە بڕیار بوی ئمڕوو شەممە لە میندۆزا ئەنجام بەێد هەڵوەشانەو، و ئەدرونی باس نەکرد ئایا میلی ئەرا شارەگە چوود یا نە.

لوویس کابوتۆ وەزیر ئابووری لەبان ئێکس نویسان: حکومەت مووڵەت دا ئەرا پیشکەشکردن بایی 10 ملیار بیزۆ (9.2 مليۆن دۆلار) ئەرا دەسمیەتیدان ناوچەی باهيا بلانكا.