نەمان گەورەترین دەریاچە له ئيران
شەفەق نیوز - وەدویاچگن
دەسەڵاتدارەیل ئیران، ئمڕوو چوارشەممە، هوشداری دان کە دەریاچەی ورمێ نزیکە لە هشکەبوین تەواوەتی، دویای ئەوەگ ئاست ئاوەگەی رەسیە نزمترین ئاستی لە میژوو نوور یەیش لە وەختیگ رخیگ زیاتر له کارەساتقگ ژینگەیی و مرۆیی هەڕەشەی ناوچەیل فراوانیگ دەێد لە باکوور خوەرئاوای ئاوای ئیران.
ئەحمەد رەزا لاهیجانزادە، جیگر سەرۆک ریخریاگ مقیەتیکردن ژینگەی ئیران، راگەیان کە "ئاست ئاو ئەو دەریاچە رەسیەسە ئاستیگ کە هن راگەیانن نیە"، وتیش: "قەوارەی ئیسە لە نیم ملیار مەتر سێجا رەد نیەکەێد، وە بەراورد وە نزیکەی دوو ملیار مەتر سێجا لە خود ماوەی ساڵ گوزەشتە".
لاهیجانزادە دیاری کرد کە "ئاست ئاو رەسیەسە 1269.74 مەتر کە رووبەرەگەی لە 581 کیلۆمەتر چوارگووشە زیاتر نییە"، دووپاتیش کرد کە "هشکەساڵی سەخت دوو ساڵ گوزەشتە وەرگرد هەڵمبوین فرە و بەد وەڕێوەبردن سەرچەوەیل، بویەسە مدوویگ کارەساتبار".
وتیش: " ئیسە بەشیگ ناوچە گیچەڵ دیرن لە وەدەسکەفتن ئاو نووشین، حکومەت دانیشتنیگ تایبەت ئەنجامداگە ئەرا گفتوگۆکردن لە دابینکردن بودجە ئەرا پڕۆژەیل وەهاناڕەسین وە ئامانج دوبرکەفتن لە هشکەساڵییگ تەواو لەی تاوسانە".
وتیش: "ئەو توێژینەوەیلە لە ماوەی دەیەی گوزەشتە ئەنجامدریانە، سیناریۆی هشکەوبوین تەواوەتی دەریاچەگە نشان دان، و نەهاتیگ لەشوین لەشوین خوەی تیارێد جویر کووچکردن، بیماری، زریان خوەڵوتووز و فەوتیان سەرچەوەیل ژیان". وتیش: ئەگەر ئی سیناریۆیە وەدی باێد زیانەیلی وە وڵاتەکە وە خەیاڵ نیەتێد.
جیگر سەرۆک ریخریاگ مقیەتیکردن ژینگەی ئیران وتیش: "حکومەت ئیران رووژ دووشەممە دانیشتنیگ تایبەت وەڕیەو برد ئەرا باسکردن لە تەرخانکردن پویل ئەرا پڕۆژەیل پەیوەندیدار وە دەریاچەی ورمێ، و پەیمان دا کە لە ماوەی ئی ساڵە ساڵ هایدرۆلۆجیە بەرنامەی وەهاناڕەسین جیوەجی بکەێد ئەرا ریگریکردن لە 'کارەسات هشکەساڵی تەواو'".
دەریاچەی ورمێ کە سەردەمانیگ گەورەترین دەریاچەی ناوخۆی ئیران بوی، نشانەی شیوانن ژینگەی ئاوییە، لە دەیەیل گوزەشتە وەدەس زیایچگن لە دروسکردن بەنداو و لادان ئاوەو ناڵید، یەیش بویەسە مدوو داوەزیان بیوینەیگ لە ئاستی ئاوەگەی.
