نەتەوە یەکگرتگەیل: گلەوخواردن زیاتر لە 1.5 ملیۆن پەنابەر و ئاوارەی سوری ئەرا ناوچەیلیان
شەفەق نيوز/ نەتەوە یەکگرتگەیل راگەیان کە زیاتر لە 1.5 ملیۆن پەنابەر و ئاوارەی سوری ئەرا ناوچەیل خوەیان گلەو خواردن، و هیمان نزیکەی 16.5 ملیۆن کەس دەسمیەتی
مرۆیی و مقیەتیکردن هوازن.
ئەيدم وسورنو خانمە وەڕیەوبەر ئۆپراسیۆن و پشتگیریکردن لە نویسنگەی نەتەوە یەکگرتگەیل ئەرا هەماهەنگی کاروبار مرۆیی وت: کارەیل دەسمیەتیدان مرۆیی وەردەوامە هەرچەن سەختیەیل زیاییگ هەس: وتیش: نەتەوە یەکگرتگەیل و هاوبەشیلی توەنن ئەرا نزیکەی 2.4 ملیۆن کەس هەر مانگیگ بڕەسن.
وسورنو باس ئومید خوەی کرد کە لاوردن سزایەیل ئەمریکا و ئەوروپا لەبان سوریا دەسمیەتی لە پاڵپشتیکردن تەقەلایەیل خاسەوبوین و ئەوزەڵکردن لەناو وڵاتەگە بەێد.
وتیش: زیاتر لە یەک ملیۆن ئاوارە ئەرا ناوچەیل خوەیان گلەو خواردن، و نیم ملیۆن پەنابەر لە وڵاتەیل هاوسا ئەرا سوریا گلەو خواردن.
لەی دویاییە هەرلە دۆناڵد ترەمپ سەرۆک ئەمریکا و یەکێتی ئەوروپا هەڵگردن سزایەیل ئابووری راگەیانن کە لە ماوەی حوکومڕانی بەشار ئەسەد لەبان سوریا چەسپبان.
سەرچەوە: ئەنادۆڵ - RT
