کۆمەڵکوشیگ خێزانی لە فلۆریدا.. کوشیان 4 کەس کە 3 مناڵ هاناویان وە گولە

شەفەق نیوز/ شار بمبروک لە ولایەت فلۆریدای ئەمریکا رویداویگ تەقەکردن کارەساتبار وەخوەی دی، لە ئەنجام چوار کەس کوشیا، و لەناویان سێ مناڵ هەس، و دوو کەسیش زەخمداربوی، وەپای خەوەریگ لە کەنڵ "سی بی ئێس" ئەمریکی.

تاوانەگە لە بینایگ نیشتەجیبوین چەن شوقەیی رویدایە، هەنای یەکیگ لە دانشتگەیل راگەیاندیە، پیایگ تەقەلای کوشتن ئەندامەیل خێزانەگەی دایە وە تەواوی وەرجە ئەوەگ تەقەلای خوەیکوشتن بدەێد.

پۆلیس رەسیەس شوین رویداوەگە، ژنیگ و سێ مناڵ وە کوشیاگی پەیاکردیە، پیاگ و دویەتیگ ئەرا چارەسەرکردن کلکریانە خەستەخانە.

تا ئیسە هووکار تاوانەگە نادیارە، دەسڵاتدارەل ئەرا لێکۆڵینەوە رەسینەس شوین رویداوەگە.