ئەمریکا.. قورتارکردن گەنجیگ کە باوەژنەگەی 20 ساڵە زیندانیکردیە لەناو ژووریگ
شەفەق نیوز/ پۆلیس ولایەت کۆنیتیک لە ئەمریکا توەنست گەنجیگ ئازادبکەێد کە ماوەی 20 ساڵە باوەژنی زیندانیکردیە.
گەنجەگە ئەرا سەرنج راکیشان ئاگر وەرداسە قێ دڵنگەیلی کە وەڕاسی وەجی هات وە رەسین تیمەیل ئاگرکپەوکردن و قورتارکردن شار ووتربەری ئەرا ماڵەگە لەدویای خەوەرداین لە هیزگردن ئاگرەگە، وەپای دەزگایەیل راگەیان ئەمریکا.
هەنای گەنجە (٣٢) ساڵانەگە قورتارکریا وت: " وە مەبەست ئاگر رووشن کردگە تواستمە ئازادبووم "دیاریکرد هەنای تەمەنی 11 ساڵ بویە زیندانی کریایە.
وەپای لێکۆڵینەوەیل، گەنجەگە نیەتوەنێد ناوی ئاشکرابکەێد تویش بەدخوەراکی بویە، ماوەی درویژیگە رویوەروی مامەڵەی بەدیگ و ورسگی و پشتگوشخسن و مامەڵەی مرۆڤایەتی بویە، لەماوەی ئەو چەن ساڵە هویچ چەودێریگ پزشکی وەخوەی نەدیە.
فەرماندەی پۆلیس فیرناند سبانیولو لە بەیانیگ وت "ئەو نیگەرانیەیلە ئێ قوربانیە ماوەی زیاتر لە 20 ساڵ وەخوەی دیەسێ نیەتوەنرێد هویرەو وەپی بکرێد.
کیمبرلی سولیفان تەمەن (56 ساڵ) دەسگیرکریا، کە ژن باوگ قوربانیەگەس، ئاراستەی توومەتەیل دەسدرویژی و رفانن و دەسوەسەرکردن نایاسایی و دڕەندەیی بویە، رداری خەێدە بان ژیان کەسەیل ترەک.
