مردن و گومبوین 26 کەس وە مدوو واران و رمیانەیل لە کۆریای باشوور

شەفەق نیوز ــ سیئۆل

وە مدوو واران وارین رفتیگ و رمیانەیل زەوی کۆریای باشوور لە 16 تەمووز  وەخوەی دیە، 14 کەس گیان لەدەسداو 12 کەسیش گومبوین. 

وەپای داتایەیل وەزارەت ناوخوەی و سەلامەتی و ئاژانس کپەوکردن نیشتیمانی مردن لە چەن ناوچەیگ توومارکریاس، لەناویان ئوسان و دانغجین، هەریەکەیان وە یەک مردن، و دوو مردن لە هەر یەک لە غابيونگ وسوسان،  سانتشونگ 8 مردن توومارکردیە کە زیاترین زەرەد وەخوەی دیە.

لە باوەت گومبوینەیل  غوانغجو (2)کەس، غابيونگ (4)، وسانتشونگ (6).

داریکرد، کارەیل قورتارکردن تا ئیسە وەردەوامە هاتێ ئامار گیانی لە ساعەتەیل ئایندە زیاترەوبوود، و خەوەردریاس لە 1920 پسای خەراوبوین مولک گشتی، وەرد چوڵەوکردن زیاتر لە 13 هەزار کەس لە 14 شار و هەرێم و 90 ناوچەی ئیداری.

بەدی کەشوهەوا کاریگەری وەبان جموجویل گواستنەوە دروسکردیە، 58 گەشت ئاسمانی پەکیکەفتیە لەوەر بەدی کەشی هەوا و واران وارین رفتیگ وە وەردەوامی.