ئەڵمانیا.. کوشیان ژنیگ و زەخمداری دوو کەس وە پەلاماریگ وە چەقوو

شەفەق نيوز/ رووژنامەی "بيلد" ئەڵمانی، ئمڕوو یەکشەممە، خەوەردا لە کوشیان ژنیگ و زەخمداری دوو کەس لە ئەنجام پەلاماریگ وە چەقوو لە شار میوشن.

رووژنامەگە وت: پیاییگ لە تەمەن 56 ساڵە، و دویەتیگ لە تەمەن 25 ساڵان زەخمدار بوین، دویای ئەوە کە ژنیگ بولگاری لە تەمەن 30 ساڵان نزیک مەیدان تيريزينفيس وە چەقوو پەلاماریان دا، تا پولیس مەوقەی وەردەوەردە وەگەردی تەقە لەلی کرد، و لە خەسەخانە مرد.

وتیش: هیمان مدووەیل ئەو پەلامارە نادیارە، و ژنەگە هاوڵاتییگ بولگاری بویە، و لەو شوینە کە رویداوەگە لەناوی بوی نیشتەجییە.

وەگورەی رووژنامەی "بيلد"، شایەت ئەو ژنە کە پەلامار داگا ژیان دەروینی دیرێد.