"لە کۆنترۆل دەرچگە".. بەرزەوبوین شمارەی قوربانیەیل هیزگردن ئاگر لە دۆس ئەنجلۆس

شەفەق نیوز/ دەسڵاتدارەیل ئەمریکا راگەیانن، 5 کەس وەلای کەمەو گیان لەدەسدانە، لە هیزگردن ئاگرەگەی کە لۆس ئەنجلۆس گردیەسەو تا ئیسە لە کۆنترۆل دەرچگە، هووشداری درێد لە بەرزەوبوین ئێ ئامارە.

فەرماندەی پۆلیس کەرت لۆس ئەنجلۆس رۆبێرت لۆنا لەرێ رادیۆی "کی ئێن ئێکس" وت " تا ئیوارەی رووژ چوارشەممە، کوشیان دوو کەس راگەیانیمن، وەداخەو شمارەگە بەرزەوبوی ئەرا 5 کەس وەگەرد وەرەو نواچگنمان لە ناوچەگە".وتیش: "لە هویردان بوود بارودۆخەگە تائیسە ناجیگیرە، و  ئاگرەگە وە تەواوی کۆنترۆل نەکریایە، دوعاکەم شمارەی قوربانیەیل زیای نەکەد، باوجی لەو باوەڕە نیم ئیە روی بدەێد".