لۆس ئەنجلۆس.. خوەینشاندەرەیل ریەیل بڕن و ماشینەیل سزنن
شەفەق نيوز/ ریتم خوەینشاندانە تویڕەیل لە شار لۆس ئەنجلۆس ئەمریکا بەرزەو بوی، کە ناڕەزایەیل رییگ سەرەکی بڕین و ئاگر چەن ماشینیگ دان، وەگەرد توومارکردن بڕیگ زەخمداری.
ئەرا سێیەم رووژ لەبانیەک ناڕەزایی وەردەوامە لەبان ئەوەک ناڕەزایەیل وەپی واننە هەڵمەت ستەمکارانە لەلایەن دەسەڵات ئەمریکا وەبان کووچبەرەیل.
وەرانوەر ئەوە، هیزەیل ناوخوەیی وە گاز ئەسرڕشن و گولەی پلاستیک و بومب دەنگی وەکار هاوردن ئەرا چویچانن خوەینشاندەرەیل، کە یەکەیل دژە ئاژاوە ئەرا مقیەتیکردن بینایەیلیگ فیدڕاڵی ناسک گردەو بوین، لەناویان بنکەی بەندیکردن کە لەبانی دەسگیرکردن کووچبەرەیلیگ و بەندیکردنیان لەناوی بویە تویڕەیی گەورەیگ.
هەرلیوا، دوو پولیس لەناو ناڕەزایەتیەیل وە ماتووڕسکڵ تلیان و زەخمدار بوین، و وێنەگریگ بەریتانی وەناو نیک ستیرن وە گولەی پولیس قولی زەخمدار بوی.
وەڵام دۆناڵد ترەمپ سەرۆک ئەمریکا وەزوی هات کە باس خوەینشاندەرەیل کرد و وت: تونوتیژن و پەیمان چەسپانن یاسا و سیستەم تونیگ دا، و دووپاتیش کرد کە نیەخوازێد بڵلوکردن هیزەیل فراوانەو بکەێد تا بڕەسێدە شارەیلیگ ترەک.
باس توانای جیوەجیکردن یاسای یاخیبوین کرد کە ری وە دەسەڵات فیدڕاڵی دەێد سوپا لەناو وڵاتەگە بڵاو بکەێد ئەرا لەناوبردن شیواشیو مەدەنی.
وەرانوەر ئەوە، جاڤین نیوسوم حاکم کالیفۆرنیا هەڕەشە دا کە ویلایەتەگە هاتێ باجەیل فیدراڵی نەێد لە وەڵامدان وەبان کەمەوبوین ئەگەری لە سپۆنسەر فیدراڵی لە ئیدارەی ترەمپ.
دویەکە یەکشەممە، هیزەیل پاسەوانی نیشتمانی ئەمریکی لە لۆس ئەنجلۆس گەورەترین شارەیل ویلایەت کالیفۆڕنیا بڵاو بوین، ئەوەیش وە فەرمان ترەمپ ئەرا لەناوبردن ئەو ناڕەزایەیلە کە لەی رووژەیل دویاییە دەسوەپی کرد.
