لە دویای بنکەی سوپای پاسداران.. چەکدارەیل پەلامار کۆمەڵگەیگ دادوەری لە باشوور ئیران دەن
شەفەق نیوز ــ تەهران
بینای دادگا لە پارێزگای سیستان و بلوجستان لە باشوور خوەرهەڵات ئیران، شەوەکی ئمڕوو شەممە، رویوەروی پەلاماریگ چەکداری بوی، لەدویای چەن ساعەتیگ لە پەلامارەگەی وە ئامانجگردن بنکەیگ سەر وە سوپای پاسداران لە باکور خوەرئاوای وڵاتەگە.
ئاژانس خەوەری ئیرانی "تەسنیم" راگەیان، کۆمەڵەیگ چەکدار تەقە لە بینای دادگایگ کردنە لە جادەی ئازادی لە شار زاهدان، وە لێشاو تەقە لەناویکردنە وەبی ئەوەگ تا ئیسە زانیاری لە بڕ زەرەدەیل گیانی وەردەس بوود.
رێکخریاگ "سوپای زوڵم" وەرپرسیاری پەلامارەگە راگەیاننە، لە ئەنجام چەن کەسیگ زەخمداربوینە، وە دەسمیەتی تیم فریاکەفتن بیناگە چوڵەوکریاس و ئەرا سەنتەریگ چارەسەرکردن کلکریاس.
ئاژانسەگە دیاریکرد، سەردانکەر و فەرمانبەرەیل توەنستنە وە دەسمیەتی هێزەیل ئەمنی بیناگە وەجی بیلن، کە ئاخڵەی شوینەی دریابوی، هەنای شمارەیگ ئەندام هەڵکوتانە بان بیناگە ئەرا دەسگیرکردن پەلاماردەرەیل.
پەلامارەگە لەدویای چەن ساعەتیگ لە کوشیان ئەندامیگ تێد وەلایەن هێز "بەسیج" و زەخمداری یەکیگ ترەک، لە پەلاماریگ کە سوپای پاسداران ئیران نزیک ئاوای ئاغلان لە شار سەردەشت، لە پارێزگای ئازەربایجان خوەرئاوای باکوور خوەرئاوا وڵات گردە ئامانج.
