پەلامارەیل ئۆکرانیا دوو فرۆکەخانە لە مۆسکۆ بەسن
شەفەق نیوز/ دەسڵاتدارەیل روسیا، ئمڕوو یەکشەممە، بەسانن دوو فرۆکەخانە لە مۆسکۆ راگەیانن لەدویای وە ئامانج گردنەیل لەری درۆنەیل ئۆکرانیا.
ئاژانس گواستنەوەی ئاسمانی یەکێتی روسیا "روسفیاتسیا" وت گەشتەیل لە فرۆکەخانەی فنۆكۆفو و دوموديدوفو وسانیانە ئەرا دابینکردن بیوەیی گەشت ئاسمانی.
سەرۆک شارەوانی مۆسکۆ، سیرجی سوبیانین لەرێ پلاتفۆرم "تلیگرام" راگەیان یەکەیل وەرگیری ئاسمانی نۆ فرۆکە شکاننە کە پەلامار مۆسکۆ دان.
وتیش، تیم فریاکەفتن رەسیە شوین کەفتن درۆنەیل کە لە پەلامارەیل دویەشەو وەخوارکەفتنە وەبی ئەوەگ خەوەر بیرێد لە زەرەرد.
دادوەر ناوچەی تولا خەوەردا، پەلامارەیل ئۆکرانیا لەرێ درۆنەو بویەسە مدوو هیزگردن ئاگر کە ئەرا ماوەی کوڵیگ وەردەوام بوی لەناو کارخانەی ئازوت کیمیایی، لە ئەنجم دوو کەس زەخمداربوین، و راگەیان لە ناوچەی کالوجا وەرگیری ئاسمانی هەفت درۆن لە بان ناوچەگە وەخوار خستیە.
