پەلامار فراوانیگ وە دڕۆن لەلایەن ئۆکرانیا فرۆکەخانەیل رووسیا گڵووڵە کەێد

شەفەق نیوز/ وەرپرسەیلیگ رووس، ئمڕوو دووشەممە، خەوەردان کە پەلاماریگ مەوقەی شەو وە فڕۆکەیل بیفرۆکەوان بویە هوکار هیزگردن ئاگر لەناو دەزگای گاز نزیک ئەستراخان رووسیا، و کاروانەیل ئاسمانی لە چەن فڕۆکەخانەیگ وسان.
ئيجور بابوشكين، حاکم ناوچەی ئەستراخان لە باشوور رووسيا، لەبان ئەپلیکەیشن تيليگرام وت: هیزەیل ئۆکرانیا تەقەلای جیوەجیکردن قەلمتێسگ وە دڕۆن دا لەبان ئمانجەیلیگ لە ناوچەگە، لەناویان دامودەزگایەیل سزەمەنی.
وتیش: کەفتن فڕۆکەیگ بێفڕۆکەوان بویە هوکار هیزگردن ئاگر، وەبی کەفتن زەخمداری.
بابوشكين باس سروشت ئەو شوینە نەکرد کە ئاگر لەناوی هیزگرد، وەلێ کەناڵ خەوەری رووسی "بازا" لەبان تيليگرام وت: ئۆکرانیا پەلامار دەزگای گاز دامە نزیک ئەستراخان.
ئاژانس گواستەوەی ئاسمانر رووسیا (روساڤياتسيا) وت: کاروانەیلی لە فرۆکەخانەیل ئەستراخان و چوار فرۆکەخانەی ترەک قازان ونيجنكامسك وساراتوف وأوليانوفسك وسانیە ئەرا بیوەیی.
وتیش: کاروانەیل ئاسمانی لە فڕوکەخانەی فولجوگراد لە باشوور رووسیا وەشیوەی وەختانە وسانیە، و دویای ئەوە کەفتە کار.
کەناڵ "بازا" و کەناڵەیل خەوەری رووسی ترەک لەبان تيليگرام وتن: پەلامار کەورەیگ وە درۆن پاڵاوگەی نەفت کردیەسە ئامانج.
ئیدارەی ناوچەی فولفوگراد وت: پەلامار ئۆکرانیا وە فڕۆکەیل بیفرۆکەوان بویە هوکار هیزگردن ئاگر لەناو پاڵاوگەیگ نەفتی، وتیش: ئاگرەگە کپەو کریا.