پەلاماریگ چەکداری وەبان مۆلیگ لە جۆرجیای ئەمریکا

شەفەق نیوز ـ جۆرجیا

دەسڵاتدارەیل ئەمریکا، ئمڕوو پەنجشەممە، زەخمداری بوینچەن کەسیگ راگەیانن وە رویداو تەقەکردن لەناو مۆڵ "ئەوغلیسۆرب مۆل" لە شار ساڤانا لە ولایەت جۆرجیا.

پۆلیس سافانا لەبان پێگەی "فۆکس نیوز"  راگەان رویداوەگە نزیکەی ساعەت  5:45 وەپای وەخت ناوخوەیی رویدایە لە ئەنجام چەن کەس بوینەسە قوربانی.

 پۆلیس و پیایەیل ئاگرکپەوکە دەسوەجی دویای خەوەردارکردنان رەسینەس ئەرا ئەو شوینە،  لەهەمان وەخت سەندیکای پیایەیل ئاگرکپەوکەر ناودەوڵەتی تیمیگ کلکردنە تا چەودێری زەخمدارەیل بکەن و ئەرا خەستەخانیگ ناوخوەیی کلیان بکەن.

پۆلیس راگەیان مۆلەگە وە تەواوی چوڵەوکریاس، دووپاتکرد ئیرنگە هویچ رخداریگ نییە.