قەتەر: ڕێککەفتن ئاگربەسی لە غەززە سوو شەوەکی دەسوەپی کەێد
2025-01-18T10:27:33+00:00
شەفەق نیوز/ وەزارەت دەیشت قەتەر، ئمڕوو شەممە، ئاشکرای مەوقەی جیوەجیکردن رێککەفن ئاگربەسی لە غەززە کرد کە سوو یەکشەممە دەسوەپی کەێد.
ماجد ئەنساری قسەکەر وەزارەت دەیشت قەتەر، لە پۆستیگ لەبان (ئێکس) کە ئاژانس شەفەق نیوز نووڕیەی، وت: لە بنەمای هەماهەنگی ناوەین لایەنەیل رێککەفتن و دەسوەرەیل، ئاگربەسی لە کەرت غەززە لە ساعەت 8:30 شەوەکی سوو یەکشەممە وە وەخت غەززە دەسوەپی کەێد.وتیش: تەمەی برایەیل کەیمن ئاگادار بوون، و ئەوپەڕی هوشدار بون، و چەوەڕی رینمایی لە لایەنەیل فەرمی بکەن.ئیوارەی چوارشەممە، شێخ محمد بن عەبدوڕەحمان ئال ساتی سەرۆک ئەنجومەن وەزیرەیل وەزیر دەیشت قەتەرڕ راگەیان کە رەسینە رێککەفتن لەبان ئاگربەسی لە غەززە ناوەین ئیسرائیل و حەماس.
