وەفەرمی.. ئیران راگەیان هاوکاری وەرد رێکخریاگ وزەی ئەتۆمی وسان
شەفەق نیوز ـ تەهران
سەرۆک ئیران مەسعود پزیشکیان، ئمڕوو چوارشەممە، وەشیوەی فەرمی راگەیان رێکخریاگ وزەی ئەتۆم هاوکاری وەردی وسان، یەیش ئەرا جیوەجیکردن کۆتا بڕیار پەرلەمان.
ئاژانس خەوەری میهر خەوەردا ""پزیشکیان لە نامەیگ فەرمی خەوەردا، رێکخریاگ وزەی ئەتۆمی و وەزارەت دەرەوە و ئەنجومەن باڵای ئاسایش نەتەوەیی، وە یاسای پابەندبوین حکومەت وە وسانن هاوکاری وەرد ئاژانس ناودەوڵەتی وزەی ئەتۆمی ئاگادارکرد".
یاساگە پشت بەسێد وە بنەمای 123 و 85 لە دەستوور ئیران، کە دویای پەسەندکردن لە دانیشتن گشتیی ئەنجومەن شۆرای ئیسلامی لە رووژ چوارشەممەی وەرین ، وەپای ئەو مەرجەیلە کە هاوکاری ئیران وەرد ئاژانس ناودەوڵەتی وزەی ناوەکی بوسرێد تا ئەو وەختەی مەرجە پوڕیاگەیل جیوەجیکریەن.
وەپای یاساگە، حکومەت پابەندە وە وسانن هاوکاری وەرد ئاژانس ناودەوڵەتی وزەی ئەتۆمی وەپای ریوشوین پاراستن زیادە، مەگەر وە رووشنی وە لایەن پەرلەمانەو رێککەفتن لەبانی نەود، وەپای راپۆرت ئاژانس خەوەری مێهر.
