فلۆریدا یەکەمین ویلایەتە بڕیار ترەمپ جیوەجی کەێد وە ئاڵشتکردن ناو "کەنداو مەكسيك"

شەفەق نيوز/ ویلایەت فلۆریدای ئەمریکا، بویە یەکەمین ویلایەت کە ئەو بڕیارە جیوەجی بکەێد کە مشتومڕ لەبانی بوی، وەختیگ دۆناڵد ترەمپ پۆست سەرۆکایەتی ئەمریکا وەرگرد، ئەو بڕیارە دەرکرد، و داوا کرد ناو کەنداو مەكسيك بوودە کەنداو ئەمریکا.

رون دی سانتيس دەسەڵاتدار ویلایەتەگە، یاساسگ دەرکرد ناو فەرمی کەنداوەگە لە بەڵگەنامەیە حکومەتی تایبەت وە ویلایەتەگە ئاڵشت کەێد.

حکومەت فلۆریدا لە بەیاننامەیگ وت: دەسەڵاتدار دوو پرۆسەی یاسا شمارە 575 و549 واژوو کرد، کە بڕیار پشتبەسین وە ناو "کەنداو ئەمریکا" بەسێد لە جیای "کەنداو مەكسيك" لە گشت بەڵگەنامەیل فەرمی ویلایەتەگە.

وەرجەیە، کۆمپانیای گووگڵ دەسکردە وەکارهاوردن ئی ناو مووڵ لە خزمەت نەخشەیل خوەی، کە کاردانەوەی تویڕە لە حکومەت مەکسیک دروس کرد، کە کلۆدیا شینباوم خانمە سەرۆک مەکسیک وت: جیهان گشتی زانێد ئی شوین جوگرافیە وەناو کەنداو مەکسیک ناسێد، بیجگە بڕیارەگەی ئەمریکا.

  مەکسیک هەڕەشەی جیوەجیکردن ریکارەیل یاسایی وەبان گووگڵ دا ئەگەر وەردەوام بوی لە وەکارهاوردن ئی ناو مووڵ ئەرا وەکارهاورەیل دەیشت ئەمریکا.

جی باسە کە ئەم. بڕیار ئەمریکیە مشتومڕ فراوانیگ لەلی بویەو، کە رەخنەگرەیلی 

وتن بەڵگەیل سیاسی دیرێد کە دژوە ناوەیل جوگرافی میژوویە.