عراقچي: گورز ئەمریکا زەرەدەیل گەورەیگ وە دامەزراو فوردۆ رەسان

شەفەق نيوز – تەهران

عەباس عراقچی وەزیر دەیشت ئیران، ئمڕوو چوارشەممە، وت: گورز ئەمریکا وەبان دامەزراو ئەتۆمی فوردۆ زەرەدەیل گەورە و گەپیگ وەپی رەسان، دووپات کرد کە هیمان هەڵسەنگاندن زەرەدەیل لەلایەن ریخریاگ وزەی ئەتۆمی ئیران وەردەوامە، و ئەوەسا راپۆرتیگ ئەرا حکومەت لای باوەتە بەرزەو کەێد.

  عراقچی ئەرا تووڕ سی. بی. ئەس. نیوز وت: کەسیک نیەزانێد چە لە فوردۆ بویە، وەلێ تا ئیسە زانیمن کە شوینەیلی کەفتنە وەرد زەرەدەیل گەورەیگ.

 وتیش: بیگومان بەرنامەی ئەتۆمی ئیران هەر مینێد، و ئیران رەنجەیل گەورەیگ لای چینە داگە، و گەل ئیران ساڵەیلیگ لە سزا و تیرۆرکردن و پەلامارەیل خراوکردن هەڵگرد، وەلێ وە درویژایی ئی ناوە رکدار بوی بەرنامەگەی لەناو سنوور ئاشتەوایی بمینێد.

وتیش: بەرهەمکردن ئەتۆمی بویە جی شانازی نیشتمانی لەلای ئیرانیەیل، و دویای ئەو جەنگە کە 12 رووژ وەردەوام بوی، کەسیگ واز لەی پیشەسازیە نیارێد، کە شانازییگ نیشتمانیە هەر مینێد، و بیگومان کار ئەرا مقیەتیکردنی کەیمن.

  عراقچی وتیش: بەرنامەی ئەتۆمی ئیران بیوەی مینێد، و نیاز رویکردن وەرەو دروسکردن چەک ئەتۆمی نەیرێد.