شەوەکی شەفەق ئمڕوو وە گورزەیل ئیسرائیلی وەبان کەرت غەززە دەیان کەس کوشیان
شەفەق نیوز/ دەزگا راگەیانيەیل فەلەستینی، ئمڕوو پەنجشەممە، خەوەردانلە کوشیان43 کەس کە فرەیگیان خەڵک باشوور کەرت غەززەن وە پەلامارەگەی شەفەق ئمڕووی ئیسرائیل.
دەزگایەیل راگەیانن لە سەرچەوەیل پزیشکی راگەیاننە، ئامار کوشیاگەیل پەلاماردانەگەی ئیسرائیل وەبان شار خان یوسف لە ئمڕوو شەفەق ئەرا 26 کەس بەرزەوبویە، وەلای کەمەو8 ماڵ لە شارەگە گیریاسە ئامانج.
دیاریکرد، شمارەیگ فەلەستینی کوشیانە و بڕیگیش زەخمداربوینە لە ئنجام گورزیگ ئیسرائیلی وەبان ماڵەیل شارۆچکەی بەنی سهیلا لە خوەرهەڵات شار خان یونس خوەرهەڵات کەرت غەززە.
لە باکوور وەلای کەم هەفت کەس کوشیا لە ئنجام پەلاماردان ئیسرائیل وەبان ماڵیگ لە شارۆچکەی جبالیا، هەمیش 4 فەلەستینی کوشیان لە ئەنجام گورزەیل ئیسرائیل وەبان شوقەیل نیشتەجیبوین لە کویچەی نەسر لەشار غەززە.
لە هەمان وەخت فرەیگ لە رێکخریاگەیل فریاکەفتن کە وەلایەن وڵاتە یەکگرتگەیل پاڵپشتی کریەن لە کۆتایی ئێ مانگ دەسکەنە کارکردن، وەپای پلانیگ ئەرا بەشەوکردن دەسمیەتی، رویوەڕوی رەخنەگردن تونیگ هاتن.
