شەپوول نوویگ لە ڤایرۆس کۆڕۆنا دەێد لە ناوچەیگ ئاسیایی

شفەق نيوز/ ناوچەی باشوور  خوەرهەڵات ئاسیا، بەرزەوبوین وەرچەویگ لە تویشهاتن وە کۆڤێد-19 وەخوەی دوینێد، وەتایبەت لە هۆنگ کۆنگ و سەنگافورە، وەگەرد هوشداری لە گلەوخواردن بڵاوبوین ڤایرۆسەگە وەگەرد هاتن وەرز تاوسان.

لە هۆنگ کۆنگ، دەسەڵاتەیل تەندروسی راگەیانن کە شارەگە چگە ناو شەپوول نوویگ لە بڵاوبوین ڤایرۆسەگە، وەگەرد بەرزەوبوین ریژەی تویشهاتن لەی هەفتەیل گوزەشتە.

 داتایەیل ناوەند تەندروس نشان دان کە ریژەی نموونەیە تویشهاتن لە 1.7 لەسەد لە ناوڕاس ئادار، ئەرا 11.4 لەسەد ئیسە بەرزەو بویە، کە لە لویتکەی ئاب 2024 رەد کرد.

ئەلبێرت ئۆ سەرۆک پەل بیماریەیل هەڵامەتی وت: گورجی ڤایرۆسەگە لە شارەگە لەی وەختە فرە بەرزە.

 لە سەنگافورە، وەزارەت تەندروسی یەمەنیک ئۆبدێت لەبان بیمارەیل کۆڤێد-19 دەرکرد دویای نزیکەی ساڵیگ لە وسیان، و ئاشکرای بەرزەوبوین شمارەی بیمارەیل وەڕیژەی 28 لە سەد، تا بڕەسێدە 14 هەزار و200 کەس لە ماوەی ئی هەفتە کە تەواو بوی، وەچەو هەفتەی وەرجە خوەی.

وەزارەت تەندروسی دووپات کرد کە زیایبوینەگە دەرچگن بنچینەیلیگ سەختتر و زویتر نییە بەڵکم لە ئەنجام داوەزیان وەرخودانە لەلای مەردم.

وەگورەی وەزارەتەگەر شمارەی چگن ئەرا خەسەخانە وە نزیکەی 30 لە سەد بەرزەو بوی، وەلێ وتیش: تا ئیسە جی نیگەرانس نییە.