"سێریژە" ئەمریکا داگیر کەێد و بیمارەیل رەسنە نزیک 900 کەس
شەفەق نيوز/ ئەمریکا کەفتیەسە بەرزەوبوین تیژیگ لە تویشهاتن وە سێریژە، کە شمارەی بیمارەیل لە سەرەتای ئمساڵەو رەسیە نزینک 900 کەس، وەکورەی بڵاوکردن بنکەیل ئەمریکی ئەرا کۆنتڕۆڵکردن و مقیەتیبوین لە بیماریەگە (CDC).
داتایەیل نشان دەن کە تا کۆتایی نیسان گوزەشتە 884 تویشهاتن توومار کریاس، کە سێ ئەوەنەی شمارەگەی پارکەس.
ویلایەت تەکساس لە پلەی یەکەم بوی لە شمارەی بیمارەیل، کە زیاتر لە 640 تویشهاتن لەناوی توومار کریا.
ئەو بیماریە بویە هوکار مردن سێ کەس، دووانیان مناڵ بوین لە تەمەن خوەنەواری سەرەتایی، و کەسیگ گەورە لە ویلایەت نیو مەکسیکۆ، و گشتیان واکسین سێریژە نەوردنە.
11 ویلایەت ئەمریکی لەلای کەمەو بڵاوبوین فرەیگ ڤایرۆسەگە وەخوەیان دوینن، لەناویان ئیندیانا، میشیگن، مۆنتانا، ئۆکلاهۆما، کە هیشت دەسەڵاتەیل تەندروسی ئاگاداری بڵاو بکەن کە وەردەوامی ریژەی واکسین کوتان هاتێ بیلێد ڤایرۆسەگە لە گشت ساڵەگە بڵاو بوود.
