سوپای ئەمریکا کۆتایهاتن گورزەیل دژ وە ئیران راگەیان و ئامانجەیلی ئاشکرا کرد
شەفەق نیوز ـ واشنتۆن
فەرماندەیی ناوەن ئەمریکا "سێنتکۆم"، ئمڕوو چوارشەممە، راگەیان هێزەیل ئەمریکی کۆتایی وەشانن گورزەیل وەرگری دژ وە ئیران هاوردن، کە ناوچەیل وەرگری ئاسمانی و وێستگەیل کۆنتڕۆڵ زەمینی و رادارەیل چەودێری لە نزیک گەروو هورمز کردبویە ئامانج، ئەوەیش جواویگ بوی ئەرا خستنەخوار فرۆکەس ئەپاجی سەر وە سوپای ئەمریکا.
سێنتکۆم لە بەیاننامەیگ وت: گورزەیل وە ڕێنمایی دۆناڵد ترەمپ سەرۆک ئەمریکا جیوەجی کریا، و سیستمەیل وەرگری ئاسمانی ئیرانی، و وێستگەیل کۆنتڕۆڵ زەمینی، و شوینەیل رادار چەودێری لە نزیک گەروو هورمز کردویە ئامانج، وە ئیسفا وەرگرتن لە تەقەمەنی ورد کە فڕۆکەیل جەنگی سەر وە هێز ئاسمانی و دەریاوانی ئەمریکا تەقانوینەێ.
فەرماندەیی ئەمریکی ئۆپەراسیۆنەگە وە "جواویگ گونجیاگ" وەسف کرد ئەرا ئەو پەلامارەیل نووە کە هێزەیل ئەمریکی و کەشتیەیل بازرگانی ناودەوڵەتی لە وەخت رەدبوین لە ئاوەیل هەرێمی کردویە ئامانج.
سێنتکۆم دووپات کرد هێزەیل ئەمریکی هێمان لە حاڵەت وشیاری و ئامادەیی وەرگرین، لە وەرانوەر ئەوەگ وە "پەلامار بی دەسپیچگ ئیرانی" وەسف کرد.
