سوپای ئیسرائیل وە زنجیرە گورزیگ پەلامار ئامانجە سەربازیەیل خوەرئاوای ئیران دا

شەفەق نیوز/ سوپای ئیسرائیل، ئمڕوو سێشەممە، زنجیرە گورزیگ فراوان دژ ئامانجە سەربازیەیل خوەرئاوای ئیران وەشان.

تەلفزیون ئیران، ئمڕوو راگەیان ئامار کوشیاگەیل پەلامارەیل  ئیسرائیل وەبان بینای دەسەی رادیۆ و تەلەفزیۆن لە تەهران پایتەخت رەسیە ئەرا سێ کوشیاگ.

قسەکەر وەزارەت دەرەوەی ئیران وت، "پەلامارداین تەلەفزیون ئیرانی تاوانیگ دڕندانەس کە ئیسرائیل ئەنجامی دا".

وتیش؛ "ئەنجوومەن ئاسایش بایەت وەرپرسیارێتی خوەی لە ئەستۆ بگرێد ئەرا وسانن پەلامارداین  زایۆنیستییەیل وەبان  گەلەگەمان".

ئاژانس ئیرانی "فارس" لە گوزەشتە راگەیاندبوی، یەکیگ لە فەرمانبەرەل تەلفزیۆنە فەرمیەگە گیان لەدەسدا وە موو زەخمداربۆینی لە پەلامارەگەی ئیسرائیل وەبان بینای تەلەفزیون ئیران.