سوپای ئیسرائیل هوشداری دەێد وە ئیرانیەیل: له دامەزراوەیل ئەتۆمی دویرەوبکەفن
شەفەق نیوز/ سوپای ئیسرائیل، ئمڕوو یەکشەممە، هۆشدارییگ ئەرا ئێرانییەیل لە نزیک دامەزراوەیل ئەتۆمییەیل بڵاوکرد و داوای لەلیانکرد دەسوەجی چووڵی بکەن.
سوپای ئیسرائیل لە بەیاننامەیگ راگەیان: "هۆشدارییگ وەپەلە ئەرا دانیشتگەیل ئیران، داوا لە گشت ئەو کەسەیلە کەین کە لەی مەوقە یا لە ئایندەیگ نزیک لە دامەزراوەیل چەک لە ئیران ئامادەبوون، وەگەرد گشت لایەنە پاڵپشتییەیلیان ئەرا سەلامەتی خەدان، داوا لەلیدان کەیمن دەسوەجی ئەو دامەزراوە چووڵ بکەن و تا ئاگادارکردنەوەی ترەک گلەونەخوەن".
وتیش: "نزیکبوین لەی دامەزراوەیلە ژیانیان خەێدە رخداری".
کۆمپانیای پەخش ئیسرائیلی، شەوەکی ئمڕوو یەکشەممە، راگەیان ئیسرائیل لەژیر پەلامار خەسیگە، لەوانەش جویر مووشەک بالیستیک و فڕۆکەی بیفڕۆکەوان کە لە ئیران و یەمەنەوە کلکریەن، یەیش لە پێشهاتیگ بی وینەس.
وەزیر دەێشت ئیران عەباس عەراقچی، ئمڕوو یەکشەممە، هووشداری دا ل تەقەلایل ئیسرائیل لە درویژەوکردن جەنگ وەرد وڵاتەگەی ئەرا ناوچەی کەنداو کە بوودە مدوو ئاگر وەردانە ناوچەگە و گشت جەهان، وڵاتە یەکگرتگەیل توومەتبار کەێ کە بەشدارە لە گورزە سەربازیەیل بان تەهران.
