سوپای ئیسرائیل هوشداری دەێدە خەڵک دەیان ئاوای لە گلەوخواردن
شەفەق نیوز/ سوپای ئیسرائیل، ئمڕوو جمعە، هوشداری دادە خەڵک ئاوایەیل سنووری لوبنان لە گلەوخواردن ئەرایان، و وت: ئیرنگە گلەوخواردنیان کەفنە رخداری.
ئەفیخای ئەدرعی قسەکەر سوپای ئیسرائیل لەبان ئێکس نویسان: تا ئاگادارییگ ترەک هاتن دانیشتگەیل وەرەو کڕ ئی ئاوایەیلە قەیەغەس: شبعا، هباريە، مەرجعيون، ئەرنون، يەحمر، قەنتەرە، شەقرا، برعشيت، ياتار، مەنسوری".
سوپای ئیسرائیل وتیش: نیاز وەئامانجکردنیان نەیرێد، ئەراوە لەی وەختە گلەوخواردنیان ئەرا ماڵەیلیان لەی کڕە قەیەغەس تا بانگەوازیگ ترەک، و هەرکەسیگ باێدە خوار ئی کڕە خوەی خەێدە رخداری.
ئەدرعی وتیش: تگایە ئەرا ئی ئاوایەیلە گلەو نەخوەن: زهيرە, تيبە, تيری, ناقورە, ئەبو شاش, ئەبل سەقی, بيازة, جبين, خريبە, خيام, خربە, مەتمورە, ماري, عدەيسە, قليعە, ئوم توته، سەليب, ئەرنون, بنت جبێل, بيت ليف, بليدا, بەنی حەيان, بوستان, عين عەرەب مەرجعيون, دبين, دبعال, دير ميماس, دير سريان, حولا, حلتا, حانين, تير حرفا, يەحمر, يارون, يارين, كڵفر حمام, كەفر كیلا, كەفر شوبا, زلوتيە، محيبيب, مەيس ئەلجبل, ميسات, مڵرجعيون, مروحين, مارون راس, مەركبا, عدشيت قصير, عين ئەبل, عيناتا, عيتا شەعب, عەيترون, علما شەعب, عەرب لويزە, قوزح, رب ثلاثين, راميە, رميش, راشيا فەخار, شبعا, شيحين, شمع, طلوسە".
شەوەکی پیرەکە چوارشەممە، رێککەفن ئاگربەسی ناوەین ئیسرائیل و حزبوڵا کەفتە ئاست جیوەجیکردن، دویای ١٣ مانگ لە جەنگ و گورزەیل، دویای ئەوەگ حزبولڵا بڕیار دا بەرەی پشتگیریکردن ئەرا خەڵک غەزە واز بکەێد، دویای پەلامار بزووتنەوەی حەماس وەبان ئیسرائیل لە ٧ تشرین یەکەم ٢٠٢٣.
