سوریا نرخ ڤیزای عراقیەیل دووقاتەو کەێد و بەرزترینیان ئەرا ئیران

شەفەق نیوز – دیمەشق

وەگورەی ئەو پارەدان نووە وەزارەت دەیشت سوریا ئەرا سەردانکەرەیل عەرەب و بیانی کە چنە ناو خاک سوریا، نرخ ڤیزای وەناوچگن عراقیەیل ئەرا سوریا لە 250 دۆلارەو ئەرا 500 دۆلار دوو ئەوەنە زیای کرد، کە لە فەرمانگە هاتگە، لە سوو یەکشەممە ٦ تەمموزەو وەو نرخ   نووە کار کریەێد.

بڕیارەگە وڵاتەیل ئەرا 11 بڕ جیاجیا بەشەو کرد ئەرا نرخ ڤیزا، بڕ یەکەم (وەخشین لە پویل): کە وڵاتەیلیگ جویر لوبنان، ئوردن، مالیزیا و مۆریتانیا گرێدەو، هەمیش هاووڵاتیەیل سربیا وە تەواوی لەلی وەخشیانە.

ئەو بڕەگە (رسوومەیل ئاڵشتبوی): ڤیزا وەگورەی  سروشت هاتنیانە (تەنیا وەناوچگن ئاسایی یان ترانزێت)، ماوەی مەنین (یەک مانگ، سێ مانگ، شەش مانگ)، و شمارەگەیان ئاڵشت بوود. 

ڤیزا لە ٢٥ دۆلارەو دەسوەپی کەێد: بڕ سێیەم لە ٢٥ دۆلارەو دەسوەپی کەێد تا ماوەی یەک مانگ و یەک ئەرا یەک گلە، کەمکەم زیایەو بوود وەگەرد ماوەی کارکردن و شمارەی ئەو جارەیبا کە چنە ناو.

بەرزترین نرخ ڤیزا وەبان هاوڵاتیەیل ئیران چەسپیاس کە بڕ 250 دۆلار ترانزێت لەلییان بریەێد، و نرخ وەناوچگن لە ناوەین 400 تا 800 دۆلارە، وەگورەی شیوە و ماوەی ڤیزاگە.

لەباوت وڵاتەیل ئەوروپا، نرخ ڤیزا  ئەرا فیلی وڵاتەیل ئەوروپا 75 دۆلارە،  و ئەرا لە هاووڵاتیەیل ئەمەریکا 200 دۆلارە.

ئەرا ئەو وڵاتەیل کە لە بڕیارەگەی وە ئاشکرا باسی نەکردگە، ڤیزای  سوریا ٥٠ دۆلارە، ئەرا ماوەی یەک مانگ و ئەرا یەک جار.