سوريا.. کەفتن قوربانی لە ئەنجام دوو تەقینەوە لە حەما و ئەدلیب

شەفەق نيوز – ئەدلیب

میدیایەیل سوریا، ئمڕوو چوارشەممە، خەوەردان لە کەفتن قوربانی لە ئەنجام دوو تەقینەوە لە ناوچەی جبرین لە حەما، و نزیک ناوچەی فوعە لە باکوور ئیدلیب.

  ئاژانس سوری فەرمی "سانا" وت: تەقینەوەگە لە ئەنجام تەقیان تاتکەریگ سزەمەنی بویەسە مدوو کوشیان و زەخمداری شمارەیگ لە مەدەنیەیل، و تیمەیل وەرگری شارستانی و فریاکەفتن رەسینە شوین رویداوەگە.

  پەیامنێر کەناڵ "الإخبارية" وت: 7 کەس گیانیان لەدەسدان و بڕیگیش زەخمدار بوینە، لە ئاماریگ سەرەتایی ئەو تەقینەوە.

لە ئیدلیب، پەیامنێر "سانا" وت: رممەی تەقینەوەیل نادیاریگ لە ناوچەی فوعە لە باکوور ئیدلیب بویە.

لەلای خوەییش؛ میدیایەیل سوریا وتن: ئەو تەقینەوەیلە لە ئەنجام هیزگردن ئاگر لەناو جەبەخانەیل نزیک مەلەوانگەی مەنار بویە لە دەورگرد کفریا و فوعە لە باکوور ئیدلیب.

  وتنیش: تەقینەوەیل لەشوینیەک لە نزیک فوعە لە باکوور ئیدلیب لە ئەنجام تەقیان جەبەخانەیگ بویە لە ئەنجام بەرزەوبوین پلەی گەرمی.