ئیسرائیل مەزەنە کەێد ئەمشەو ئەمریکا باێدە ناو جەنگ وەرانوەر ئیران

شەفەق نيوز/ میدیایەیل راگەیانن ئیسرائیل، ئمشەو سێشەممە، مەزەنە کرد کە ئەمریکا ئمشەو بەشداری لە جەنگ وەرانوەر ئیران بکەێد.

کەناڵ 12 ئیسرائیلی وت: مەزەنەیل لە ئیسرائیل دەسنشان کەن کە هاتێ ئەمریکا ئمشەو باێدە ناو جەنگ دژوە ئیران. 

هەرلیوا، تووڕ "فۆكس نيوز" لە زوان وەرپرسیگ ئەمریکی وت: پەسەنکردن سەربازی خریاسە بان مێز، دووپاتیش کرد کە گورزەیلیگ لەبان ئیران، لەناویان دامەزراوەیل ئەتۆمی ها بان مێز دانوسەنین.

 لەلاییگ ترەک، تووڕ "سی بی ئێس" ئەمریکی وت: پەرلەمانتارەیلیگ لە دیموکرات و کۆماری دەسکردنە جویلەکردن تا نەیلن ترەمپ فەرمان گورزەیل سەربازی وەبان ئیران دەرکەێد، وتنیش؛ تەنیا کۆنگرێس دەس دەستووری دیرێد لە بڕیار جەنگ.