ئیسرائیل دوو سەرکردە لە حەماس و حزبولڵا کوشێد
شەفەق نيوز/ سوپای ئیسرائیل، ئمڕوو سێشەممە، کوشتن فەرماندەی فیرقەی یەکەی ئۆپراسیۆنەیل تایبەت لە حزبولڵا لە ناوچەی عیتەرون باشوور لوبنان راگەیان، و وە ئۆپراسیۆنیگ جیا کوشتن فەرماندەی نوو کەتیبەی شجاعیە لە بزووتنەوەی حەماس لە کەرت غەززە.
لە باشوور لوبنان، سوپای ئیسرائیل لە بەیاننامەیگ وت: سوپای وەرگری ئیسرائیل، پەلامار فەرماندەی فیرقەی یەکەی ئۆپراسیۆنەیل تایبەت لە حزبوڵا دا لە ناوچەی عیتەرون باشوور لوبنان کە بویە هوکار کوشتنی.
لە غەززە، سوپای ئیسرائیل کوشتن محمد ئەلعجلە فەرماندەی نوو کەتیبەی شجاعیە لە بزووتنەوەی حەماس راگەیان، ئەوەیش دویای پەنج رووژ لە کوشتن فەرماندەی وەرینی هەیسەم رزق عەبدولکەریم شێخ جەلیل.
وەگورەی بەیاننامەی ئیسرائیل، هیزەیل سوپا وە هاوکاری دەزگای ئاسایش ناوخوەیی (شاباک) گورزیگ ئاسمانی رووژ یەکشەممەی گوزەشتە جیوەجی کردن، لە ناوچەی شجاعیە لە کەرت غەززە، بویە هوکار کوشیان ئەلعجلە کە لە ماوەی جەنگەگە فەرماندەیی سریەی پاڵپشتیکردن جەنگی کردیاد.
وەگورەی بەیاننامەگە، عەجلە وەرپرس بویە لە هاوردن ئامراز جەنگ و چەک ئەرا ئەندامەیل حەماس تا پەلامار هیزەیل ئیسرائیل و مەدەنیەیل بیەن، وتیش؛ عەجلە وە فەرماندەی پەنجەم دانریەید ئەرا کەتیبەی شجاعیە کە لە وەخت دەسکردن وە جەنگ لە ئۆکتۆبەر گوزەشتە تا ئیسە کوشیاس.
