ئیستەنبوڵ لە ماوەی 3 ساعەت 47 زەویلەرزە و تەکان توومار کەێد

شەفەق نيوز/ تورکیا، ئمڕوو چوارشەممە 47 زەویلەرزە و تەکان لە ماوەی 3 ساعەت لە شار ئیستەنبوڵ باکوور وڵاتەگە توومار کرد، کە سەختەگەی ناویان رەسیە 6.2 پلە لەبان پەیمانەی ریختەر.

ئاژانس "ئەنادۆڵ" تورکی وت: وەگورەی ئەو زانیارییەیلە کە کەفتنەسە دەسی لە شایەت وەڕیەوبردن کارەساتەیل و فریاکەفتن "ئافاد"، 46 زەویلەرزەی ترەک لەماوەی سێ ساعەت وەرجە زەویلەرزە کەورەگە و لە شوینی بویە.

دیاری کرد کە یەکەمین زەویلەرزە لە ساعەت 12:13 وە وەخت وڵاتەگە (+3 و.گ) وەتونی 3.9 پلە لەبان پەیمانەی ریختەر بوی.

بوبچگترین زەویلەرزە وەرانوەر کناراوەیل ناوچەیل سيليفری وبويوك چكمجة بویە وە تونی 1.6 پلە، و گەورەترین وەرانوەر کناراوەیل سيليفری بویە وەتونی 6.2 پلە لە ساعەت 12:49.

قویلی زەویلەرزەیل ناوەین 6 تا 15 کیلۆمەتر بویە.

ئافاد و لایەنەیل فەرمی وتن؛ ئاگاداری لە کەفتن قوربانی نەڕەسیە.