زەویلەرزەی 6.8 پلەیی دەێد لە کناراوەیل نیوزلاند
2025-03-25T10:22:55+00:00
شەفەق نیوز/ زەویلەرزەیگ وەهاز 6.8 پلە لەبان پەیمانەی ریختەر، ئمڕوو سێشەممە، داد لە ناو زەریا لە وەرانەور کناراوەیل دوورگەی باشووری سەرەکی نیوزلاند، وەگورەی راگەیانن روانگەی زەویلەرزەی ئەمریکی.
ئاژانس "فرانس پرێس" لە زار کەسەی جیۆلۆجی ئەمریکی وت: لە ساعەت 14,43 (01,43 وەخت گرینتش) زەویلەرزەیگ وەقویلی 10 کیلۆمەتر وەدویری نزیکەی 100 کیلۆمەتر لە دوورگەی باشووری رویدا.
سەرچەوەیل وتنیش: وە شیوەی فراوانیگ مەردم لە دوورگەیل باشوور و باکوور لە لەرزەگە ئاگادار بوین، هەمیش تووڕ زەویلەرزە لە باشوور خوەرهەڵات ئوسترالیا تووماری کرد.
