زەویلەرزەیگ ٤.٥ پلە دەێد لە ئیران

شەفەق نیوز/ میدیایل راگەیانن ئیران، ئمڕوو دووشەممە، خەوەردان کە زەویلەرزەیگ وەتونی 4.5 پلە داد لە ئاوای بلوک لە ناوچەی ئبسما لە شار جیروفت لە پارێزگای کرمان.

ناوەند زەویلەرزەناسی لە دامەزراو جیوفیزیایی لە زانکۆی تەهران وت: ئی زەویلەرزە وەقویلی 10 کیلۆمەتر لەژیر زەوی بوی لە ساعەت 7:24 شەوەکی ئمڕوو دووشەممە.

وتیش: زەویلەرزەگە وەدویری 12 کیلۆمەتر لە ئاوای بلوک و26 کیلۆمەتر لە كهنوج و24 کیلۆمەتر لە فارياب لە پارێزگای كرمان بوی، و ئاگاداری لە هویچ زەرەدیگ لە ئەنجام ئی زەویلەرزە نەڕەسیە.