زەویلەرزەی سەختیگ لە ئەمریکای باشوور کارەبا لە هەزاران بڕێد

شەفەق نيوز/ زەویلەرزەیگ وەتونی 6.4 پلە داد لە ناوچەی ئەتاكاما باکوور چیلی لە ئەمریکای باشوور، وەبی زەخمداری، وەلێ بویە مدوو بڕیان کارەبا لە زیاتر لە 20 هەزار کەس.

 زەویلەرزەگە شەو جمعە وەدویری 54 کیلۆمەتر وەرەو باشوور شار ديێگو دي ئەلماگرو، وەگورەی زەویلەرزەناسی نیشتمانی.

سەرۆک گابریێل بۆریتچ لە پۆستیگ لەبان ئێکس وت: تا ئیسە هیچ زەخمدارییگ توومار نەکریاس.

میدیایەیل ناوخوەیی ویهەیل پەنجڵرەیگ شکیاک و پارچەیل لە دیوارەیلیگ لە شار كوبيابو، وەدویری 800 کیلۆمەتر وەرەو باکوور سانتياگۆی پایتەخت نشان دان.

جیگر وەڕیەوبەر فریاکەفتن لە کەسەی مقیەتیکردن لە کارەساتەیل میگیل ئۆرتیز وت: دویای ئی زەویلەرزە کارەبا لە 23 هەزار کەس لە ناوچەی ئەتاکاما بڕیا، وتیش؛ ئاگاداری لە رمیان زەوی سووک وەپی رەسیە.