زەویلەرزەیگ زیاتر لە 6 پلە دەێد لە کۆلۆمبیا

شەفەق نيوز/  زەویلەرزەیگ وەتونی 6.5 پلە لەبان پەیمانەی ریختەر، ئمڕوو یەکشەممە، داد لە دەوڵەت کۆلۆمبیا لە ئەمریکای باشوور، وەگورەی ناوەند ئەڵمانی ئەرا زانست زەوی.

ناوەندەگە وتیش: زەویلەرزەگە وەقویلی 10 کیلۆمەتر بویە.

وەلێ دەزگای وەشکین جیولۆجی وڵاتەگە وت: زەویلەرزەگە وەتونی 6.4 پلە ناوەین بوگوتای پایتەخت و ناوچەی وفيلافيسينسيو توومار کردگە.

سەنتەر زەویلەرزەگە لە  باراتيبوينو دیاری کریا کە نزیکەی  187 کیلۆمەتر لە پایتەختەو دویرە، و مەردمەگە لە تەکان تونیگ تا چەن چرکەیگ وەئاگا بوین.

تا ئیسە هویچ خەوەریگ لە زەرەد گیانی یا دارایی نەڕەسیە.