زەخمداری 9 ئیسرائیلی وە رویداو هاتوچو لە کفار یونا

شەفەق نیوز ـ خوەرهەڵات ناوڕاس

دەزگایەیل راگەیانن عیبری، ئمڕوو پەنجشەممە، خەوەردان 9 ئیسرائیلی تویش زەخمداری جیاواز هاتنە، لە ئەنجام تلانن لە کفار یونا، دووپاتکرد هێزەیل ئەمنی مینەی ئەنجامدەر کارەگە کەێد.

رووژنامەی "یسرائیل هیوم" عیبری راگەیاندیە، فریاکەفتن ئیسرائیل دووپاتکردیە "9  زەخمدار لە شوین تلاننەگە لە کفار یونا ئەرا خەستەخانە کلکریانە، و 6 کەسیان زەخمداریەگەی ناوڕاسە و 3 کەسی ش زەخمداریان سووکە".

سایت"واینێت"عیبری راگەیان رانادەی ماشینەگە لەیەکەودایە وەرد چەن کەسیگ لە وەخت  وسان بارهەڵگرەیل لە دەروازەی کفار یونا لەبان ری شمارە57، و وایە، پۆلیس دەسوەجی دەسکردیە وە مینەکردنی.

دیاریکرد، کۆپتەریگ سەر وە پۆلیس لە ئۆپراسیۆنەگە مینەکەێد، دەروازەیل ناوچەگە بەسیانە، لەناویان ئەو ریە کە رەسێد وە تۆڵکەرەم.‏