زەخمداری زیاتر لە 13 کەس وە وەردەوەردەیگ چەکداری لە ئۆهایۆ
2026-06-07T07:33:21+00:00
شەفەق نیوز - واشنتۆن
پۆلیس ئەمریکا، ئمڕوو یەکشەممە، راگەیان، وەلای کەم 12 کەس لە شار تولیدۆ لە ویلایەت ئۆهایۆ، لە ئەنجام رویوەڕویبوین و تەقەکردن لە ناوەین چەکدارەیل زەخمدار بوین.
پۆلیس لە کۆنفڕانس رووژنامەوانی ئاشکراکرد دوو کەس لە زەخمدارەیل لە حاڵەت سەختیگن، و دیاریکرد تەمەن زەخمدارەیل لە ناوەین 14 تا 61 ساڵە.
ئۆپەراسیۆنەیل مینەکردن و وشکنین ئەرا پەیاکردن گومانلێکریاگەیل ئەو پەروەندە بەردەوامە، کە جۆزێف هێفەرنان، جێگر سەرۆک پۆلیس، وە "لێکۆڵینەوەیگ فرە چالاک" وەسف کرد.
وت: "بەڵگەیل دیریمن و خەریک دویای بڕیگ سەرەداو کەفیمن".
لێفتێنانت دان جێرکن لە پۆلیس وت: لێکۆڵەرەیل خەریک قسەکردن وەرده چەن کەسیگ و نوڕینە ڤیدیۆی کامێراگانن.
