رێککەفتن ئەتۆمی نوویگ ناوەین واشینتۆن و ریاز
شەفەق نيوز/ كريس رايت، وەزیر وزەی ئەمریکی، ئمڕوو دووشەممە، ئاشکرا کرد کە ئەمریکا وەیزویە هویردەکاریەیل رێککەفتن هاوکاری ئەتۆمی (میژووی) وەرد سعودیە راگەینێد، دووپاتیش کرد کە هەردوگ لایەن رەسینەسە گامەیل پیشکەفتگ لە قسەکردن لەبان گەشەپیدان وزەی ئەتۆمی مەدەنی.
رایت لەی سەردان ئیسە ئەرا ڕیاز وت: گەشەپیدان وزەی ئەتۆمی لە کارە گرنگەیل سعودیەیس کە وەڕاسی سەرکەفتن گەورەیگ لەی کەرتە نشان دا، وتیش: شانشینەگە داهات کانزایی گرنگ دیرێد جویر یوڕانیۆم، و تەما دیرێد توانایەیلی لە چین وزەی ئاشتەوایی فراوانەو بکەێد.
دیاری کرد کە ئەمریکا وە ئەزموون دویرودرویژی لە تەکنیکەیل وزەی ئەتۆمی بازرگانی، نووڕێدە دروسکردن هاوبەشییگ ستراتیژی ماوە درویژیگ وەرد سعودیە لەی چینە، و مەزەنەی راگەیاننیگ زیاتر لە وەختیگ بانان لەی ساڵە کەم.
وتیش: واشینتۆن ئامادەکاری ئەرا واژووکردن رێککەفتن هاوکاری گشتگیر لە چین وزەی لەی هەفتەیل ئایندە کەێد، وە مەرجیگ رێککەفتنیگ دیاریکریای لەبان هاوکاری ئەتۆمی لەماوەی مانگەیل ئایندە لەشوینی بوود.
