رۆیتەرز: هاتێ وەڵامدان ئیران لەماوەی 48 ساعەت باێد

شەفەق نيوز/ ئاژانس رۆیتەرز، ئمڕوو دووشەممە، لە زوان وەرپرسیگ ئەمریکی وت: وەڵامدان ئیران وەبان پەلامارەیل ئەمریکا لەبان دامەزراوەیل ئەتۆمی ئیران هاتێ لە ماوەی 48 ساعەت ئایندە باێد.

 وەرپرسیگ ئەمریکی ئەرا رۆیتەرز وت: وەڵامدان ئیران وەبان پەلامارەیل ئەمریکا لەبان دامەزراوەیل نەتەنز و فۆردو و ئەسفەهان لەماوەی یەک رووژ ڕا ئەوپەڕی تا دوو رووژ تیەێد.

رۆیتەرز لە زوان دوو وەرپرس ئەمریکی وتیش: واشینتۆن هیمان خوازێد بڕەسێدە چارەسەری دیبلۆماسی وەرد تەهران، و رخداری گەورەیگ لە وەڵامدان ئیران وەبان هیزەیل ئەمریکا وەینزیکە دوینێد.

شەفەق رووژ یەکشەممە، واشینتۆن پەلامار دامەزراوەیل ئەتۆمی ئیران دا، وەتایبەت فۆردو، کە وە گرنگترین و قایمترین دریەێدە قەڵەم، و دۆناڵد ترەمپ سەرۆک ئەمریکا پەکخستنی لە ئەنجام ئەو گورزە راگەیان کە وە فرۆکەی جەنگی B2 جیوەجی کریا.