رۆیتەرز: نزیکەی دوو هەزار کوشیاگ لە ناڕەزایەتیەیل ئیران
شەفەق نيوز- تەهران
وەرپرسیگ ئیرانی، ئمڕوو سێشەممە، ئەرا ئاژانس رۆیتەرز وت: نزیکەی دوو هەزار کوشیاگ لەناو ناڕەزایەتیەیل ئیران کەفتنە، و وەرپرسایەتی کوشتن مەدەنیەیل و ئەندامەیل ئەمنی خستە بان (تیرۆرستەیل).
هەرلیوا، پەرلەمانتاریگ ئیرانی ئەرا رۆیتەرز وت: ئەگەر ساکاڵای ئیرانیەیل چارەسەر نەکریەێد وەنە حکومەت کەفێدە وەر ناڕەزایەتیەیلیگ گەورەتر، ئەوەیش دوباره زیاتر لە دوو هەفتە لە دەسکردن وە خوەینشاندان لە گشت وڵاتەگە، و بویە سەختییگ وەرانەور شەرعیەت حکومڕانی ئاخوندەیل.
پەرلەمانتار محمد رەزا سەباغیان لە دانیشتن پەرلەمان وت: بایەسە لە هویر خاڵیگ نەوەیمن، مەردم بیزارن و بایەسە وەرپرسەیل لە حکومەت و پەرلەمان چارەسەری بکەن، وەنە هەر خود رویداوەیل وە خەسییگ گەورەتر دووارەو بوون.
حکومەت ئیران وە هەڵمەت کوشتن و بڕین وەڵام ئەو ژاوەژاوە دا کە لەوەر رەوشەیل ئابووری بەد دەسوەپی کرد، وەگورەی گرووپەیل ماڤپەرەوەری دووپات کرد کە بویە مدوو کوشیان سەدان کەس و دەسگیرکردن هەزاران.
