رۆگاربوین تیمیگ میسری لە رویداو فڕۆکە
شەفەق نیوز/ تیم یانەی بيراميدز میسری لە رویداویگ ئاسمانی رخداریگ رزگار بوین، لە کاروان گلەوخواردن لە ئەنگۆلا وەرەو قاهیرەی پایتەخت.
ئەو فڕوکە کەفتە وەر زوور کەشوهەوای سەختیگ و هاتە بانوخوارکردن کە بەشیگ لە کەسەیل شاندەگە لە هووش چگن، لەناویان بەشیگ لە بازیگەرەیل و تیم هونەری.
ئی رویداوە نیگەرانی لەبان بیوەیی کاروانەیل ئاسمانی لە ئەفریقا دروس کرد، لە وەختیگ یانەگە چەوەڕی مەوقەی کاروان نوویگ کەێد.
وەگورەی ناوەند راگەیانن یانەی بيراميدز، کەشوهەوای سەختیگ ناچار کاپتن فڕۆکەگە کرد وەرەو فڕوکەخانەی لواندا گلەو بخوەێد، ئەرا بیوەیی شاندەگە، و دڵنیابوین لە ئامادەبوین فڕۆکەگە، و پیشکەشکردن چارەسەری ئەرا ئەوانەگ خوازن.
دیاری کرد کە گشت تەقەلایل تەواوکردن کاروانەگە لە ئەنگۆلا شکست هاوردن، لەسای ئەوە کە فڕۆکەگە خاسەوکردن خوازێد، و تا ئەوەنە کەشوهەوا ئارامەو بوود، کە تیمەگە ناچار بوی دووارە ئەرا هوتێیل گلەو بخوەێد، تا مەوقەیگ ترەک ئەرا گلەوخواردن وەرەو قاهیرە دیاری کریەێد.
