ريخریاگ تەندروسی جەهانی: مقەیت زاڕوویەیلدان بوون لە دەرمان قوتە

2023-01-24T09:43:07.000000Z

شەفەق نیوز/ ریخریاگ تەندروسی جەهانی داوا لە هاوڵاتیەیل کەێد مقیەتی زاڕوویەیلیان بکەن لەوەکارهاوردن دەرمان قوتە ک لە ساڵ وەرین بویە هوکار مردن دەیان زاڕوو.

 رێکخریاگ تەندروسی جەهانی لە بەیاننامەیگ راگەیان، " لەساڵ 2022 زیاتر لە لە 300 زاڕوو ک بەشیگیان لەخوار تەمەن پەنج ساڵ بوین لە وڵاتەیل  گامبیا و ئیندۆنیزیا و ئۆزبەکستان لەوەر بیماری گورچگ لەئەنجام وەکارهاوردن چەن دەرمانیگ ک جویرە مادەیگ کوشندە لەناویان بویە گیان لەدەسدانە".

 ‏دیاریکرد، "ئەو دەرمانەیلە ئەرا چارەسەر قوتە وەکارهاوریانە و  مادەی ئیسیلین دووانی و گلایکۆل و ئیسیلین گلایکل لەناویان بوویە، ک سەرجەمیان مادەی بکووشن، تەنانەت ئەگەر وە ریژەی کەمیگیش وەکارباریەێد".

لەهەمان وەخت داوا لە هەر 194 وڵاتە ئەندامەگە کرد ریوشوین تون بگرن ئەر ریگریکردن لەو دەرمانەیل قوتە ک ئەو مادەی رخبەرە هالەناوی.

Shafaq Live
Shafaq Live