رووسیا مەرجەیلی ئەرا وسیان جەنگ وەرد ئۆکرانیا ئاشکرا کەێد
شەفەق نيوز - مۆسكۆ
سيرگي لافرۆف وەزیر دەیشت رووسیا، ئمڕوو سێشەممە، مەرجەیل وڵاتەگەی ئەرا وسانن جەنگ وەرد ئۆکرانیا راگەیان، دووپاتش لە وسانن سزایەیل وەبان رووسیا و چارەکردن مدووەیل ریشەیی لەی جەنگە کرد.
لافرۆف ئەرا رووژنامەی "مجيار نيمزيت" مەجەری وت: رووسیا رازی وە ئاگربەسی وەرد ئوکراینا نییە تا سزایەیل گشتگیر هەڵنەگریەن و دەوڵەتەیل خوەرئاوا سەدان ملیار دۆلار لە بنەمایەیل رووسیا گلەو نەیەن.
دووپاتیش کرد کە بایەسە چارەسەری مدووەیل ریشەیی لەی جەنگە بکریەێد.
چەنای چەنیگ وەرپرسەیل رووس باس مدووەیل ریشەیی کردن کە پوتین وت: کیشانەوەی ئۆکرانیا لەو ناوچەیلە گرێدەو کە بەشیگیان کەفتیەسە دەسەڵاتی، و واز لە تەقەلای چگن ئەرا ناو هاوپەیمان ناتۆ بارێد.
لافرۆف وتیش: رووسیا هیمان وازە ئەرا چارەسەرکردن سیاسی و دیبلۆماسی لەی جەنگە، وەلێ هوشداری دا کە مۆسکۆ وسیانیگ وەختانە ئەرا جەنگەگە نیەخوازێد تا ری وە ئۆکرانیا و هاوپەیمانەیلی بەێد دووارە رزەیلیان رێکبخەن.
وتیش: بایەسە ئامانجەگە ئاشتەوایی هەمیشەیی بوود، و وە هیچ پێشنیاریگ ئەرا تەنیا رچەوکردن سەنگەرەیل ئیسە رازی نییە.
