روسیا پرسێد: ئایا چۊن عراقیەیلە بوونە هەڕەشەی گەورەیگ لەبان یەکێتی ئەوروپا؟  

Category: هــــه‌واڵ جیــهانى

Date: 2021-11-22T10:43:24+0000
روسیا پرسێد: ئایا چۊن عراقیەیلە بوونە هەڕەشەی گەورەیگ لەبان یەکێتی ئەوروپا؟    

شەفەق نیوز/ وەزارەت دەرەوەی روسیا،  ئمڕوو دووشەممە،  وت: ئەوەگ لەبان سنوور پۆلەندا و بیلاروسیا بوود، نموونەی جەنگ میدیاییە، چۊنکە ئامارەیل کووچبردن وەرەو یەکێتی ئەوروپا وەشیوەیگ تەواوی ئاشکرا نەکریاگە.     

ماریا زاخارۆفا خانمە قسەکەر وەزارەت دەرەوەی روسیا وت: ئەوەگ ئیسە لەبان سنوور پۆلەندا و بیلاروسیا بوود، نموونەیگە ئەرا جەنگ میدیاکاری، و پرسیار کرد ئایا چۊن سێ هەزار کووچبور عراقی بوونە هەڕەشەی گشتگیریگ لەبان هەسی یەکێتی ئەوروپا.     

زاخارۆفا وتیش: لە خود وەختەگە ئیتالیا دی دەێدە شمارەیلیگ فرەتر لە کووچبەرەیل لە گشت دەوڵەتەیل جەهان وەماوەی رووژەیل کەمیگ، وەگورەی شمارەیل دەسگایل مقەیەتیکردن یاسای ئیتالیا،  ئی دەوڵەتە وەماوەی یەک ساڵ ری وە ٦٠ هەزار کووفبەر داگە، ئایا جیوازیەگە چەس؟  

وتیش: لە ئیتالیا وەشیوەیگ نایاسایی چنە ناو، و لە بیلارووسیا  وەشیوەیگ یاسایی چنە ناو، ئایا کی هەڕەشەی کی دەێد، و ئەڕز باس ئەوە نێکەن؟ ک خوەمانیش وەگورەی خوازین باس ئەوە نێکەێمن.    

related

وەزارەت وەرگری پۆلەندا نزیکەی 100 کووچبەر دەسگیر کەێد

Date: 2021-11-18 08:20:51
وەزارەت وەرگری پۆلەندا نزیکەی 100 کووچبەر دەسگیر کەێد