روبيۆ: ئەمريكا نیەخوازێد رژیم ئیران ئاڵشت بکەێد و جیهان ئمڕوو ئاسایشی فرەتەرە

شەفەق نيوز/ مارکۆ روبیۆ وەزیر دەیشت ئەمریکا، ئمڕوو یەکشەممە، دووپات کرد کە جیهان ئمڕوو ئاسایشتر و ئارامترەو بوی لە وەرجە 24 ساعەت، لە دەسنشانکردن ئەرا گورزەیل ئەمریکا وەبان دامەزراوەیل ئەتۆمی ئیران.

روبیۆ لە چەوپیکەفتنیگ وەرد تووڕ "فۆكس نيوز" وت: ئۆپراسیۆنەیل سەربازی ئەمریکا جەنگ وەبان ئیران نییە، لە خود وەختەگە هوشداری دا کە هەر کاردانەوەیگ ئیرانی بوودە گەنترین هەڵە لەلایەن تەهرانەو.

 وتیش: وڵاتەگەی نیەخوازێد رژیم لە ئیران ئاڵشت بکەێد، وتیش: دەر دانوسەنین هیمان وازە، و واشینتۆن ئامادەس ئەرا دانوسەنین نوویگ.

 روبيۆ وتیش: هیمان هەلکڕدنەگە مەنیەسەی، وەلێ ئیران توانای خەڵەتلتت دۆناڵد ترەمپ سەرۆک ئەمریکا نەیرێد، وتیش: چارەکردن گیچەڵ ئەتۆمی ئیران وە دانوسەنین راستەخۆ وەرد ئەمریکا کریەێد. 

دیاری کرد ئیرانیەیل مەزەنە کەن نەرمن، وەلێ وەیجویرە نیین، و ئەگەر هەر لە جینشینەیل ئیران پەلامار ئیمە دا، تەنیا پەلامار ئەوان نیەیمن، بەڵکم سزای ئیرانیش دەیمن.

 روبيۆ لە کۆتایی وتیش: ئیران ها پشت گشت گیچەڵیگ لە خوەرهەڵات ناوڕاس.