رميانيگ دڵتەزن لە پاپچینەیل کۆتایی پورتوگال و ئیسپانیا لەرزنێد

شەفەق نيوز/ کۆتاێێ خول نەتەوەیەیل ئەوروپی ئەرا بازی تووپان لە میوشن بویە شەو خەفەتباریگ، دویای مردن یەکیگ لە هاندەرەیل لە ئەنجام کەفتنی لە پاپچینەیل بازیگاگە مەوقەی یەکلاییکردن لەو بازیە کە هەڵوژاردەی پورتوگال و ئیسپانیا لەناوی یەکانگیرەو بوین.

 ئەو رویداوە لە یەکەمین گەی بازیەگە بوی، هەناێ ئەو هاندەرە لە پاپچینەی سەرەکی کەفتە خوارەو، وە بەرزی نزیکەی 8 مەتر. 

هەرچەن تەقەلای فریاکەفتن و پزشکی ئەرای دریا، وەلێ یەکێتی تووپان ئەوروپا (یوفیا) دویای ئەوە دووپات کرد کە ئەو هاندەرە گیانی لەدەسدا.

  وەگەرد ئاهەنگ سەرکەفتن، خەفەت لەناو کەشوهەوای ئەو کۆتاییە زاڵەو بوی کە پورتوگال لەناوی لەبان ئیسپانیا وە پەلنتی (5-3) سەرکەفت، دویای یەکسانی وە (2-2) لە وەخت رەسن و زیایە، تا نازناوەگە لە هەڵگر چاپ وەرینی بوەێد.

بازیکەرەیل و تیمەیل خەفەت قویل خوەیان و هاوخەمییان وەرد بنەماڵەی قوربانیەگە نشان دان.